هەڵوێستی فراکسیۆنی پارتی پڕۆژەیاسایی چاکسازی

0

نوچەنێت: تایبەت

ئەندام پەرلەمانی پارتی لەپەرلەمانی کوردستان رایدەگەیەنێت، ئێمە لەگەڵ ئەوەداین پێش ئەنجامدانی هەڵبژادن پڕۆژەیاسایی چاکسازی پەسەندبکرێت و پێداگریشی لەسەر دەکەین.

رۆژی ٢٧ شوباتی ٢٠١٨، پەرلەمانی کوردستان یاسای چاکسازی لە موچە و خانەنشینی و دەرماڵەکانی پەسەند کرد، بەڵام دوای پەسەندکردنی بەهۆی ناڕەزایەتی خەڵک و داواکاری بەشێک لە فراکسیۆنەکانەوە، سەرۆکایەتی پەرلەمانی کوردستان ئیمزای لەسەر یاساکە نەکرد، بڕیاریدا بە گەڕانەوەی بۆ پەرلەمان و بڕیارە سێ ماددەی لێ هەموار بکرێتەوە، کە تایبەتن بە خانەنشینی، دەرماڵە. هەروەها چاوەڕێ دەکرێت بەجێبەجێکردنی یاساکە نزیکەی ١٠٠ملیار دینار بۆ گەنجینەی حکومەتی هەرێم بگەڕێتەوە.

لە لێدوانێکی تایبەت بە نوچەنێت، د. فرسەت سۆفی، ئەندامی فراکسیۆنی پارتی لە پەرلەمانی کوردستان، لەبارەی پەسەندکردنی پڕۆژەیاسایی چاکسازیەوە رایگەیاند “وەک فراکسیۆنی پارتی لەگەڵ ئەوەداین، کە پێش ئەنجامدانی هەڵبژاردنەکان پڕۆژەیاسایی چاکسازی لە (خانەنشینی موچە و دەرماڵەکان) پەسەند بکرێت. هەروەها پێداگریش دەکەین لەسەر ئەوەی، کە لەزووترین کاتدا پەسەند بکرێت”.

فرسەت سۆفی ئاماژە بەوە دەکات، سبەینێ کۆبوونەوەیەکی راوێژکاری لە نێوان دەستەی سەرۆکایەتی پەرلەمان و سەرۆک فراکسیۆنەکان و لیژنەی دارایی و یاسایی پەرلەمانی کوردستان بکرێت. گوتیشی “هیوادارین لایەنەکان لەو کۆبوونەوەیە بگەنە ئەنجام بۆ ئەوەی رۆژی کۆبوونەوەی پەرلەمانی کوردستان دیاریبکرێت”.

Share.

About Author

بوچون نوسین داخراوە.

Social Media Auto Publish Powered By : XYZScripts.com