هۆکاری سوتانی دەخڵودانی سنوری خورماتوو ئاشکرا دەکرێت

0

نەوزاد عەلی-سلێمانی

بەرپرسی لقی خورماتووی یەکگرتووی ئیسلامی ڕایدەگەیەنێت، دۆخی ناوچە دابڕێنرداوەکانی هەرێمی کوردستان بە گشتی پێویستی بە پێداچوونەوەیەکی باش هەیە.          

لەدوای ڕووداوەکانی ١٦ی ئۆکتۆبەری ساڵی ٢٠١٧، دۆخی ئەمنی ناوچەکانی دەروەی ئیدارەی هەرێمی کوردستان ناجێگرە و ناوچەکە بەگشتی لەژێر هەڕەشەی تەعریبکردن دایە، لەماوەی چەند هەفتەی ڕابردووش دەخڵودانێکی زۆری هاوڵاتیانی کورد لە خانەقین و خورماتوو سوتێنران، ئەمش لەکاتێدایە، کە پێش ئەم ڕووداوانە عەرەبی هاوردە هەڵیانکوتایە سەر گوندی پەڵکانە و کێشەیان بۆ جوتیارانی گوندەکە درووستکرد.

لە لێدوانێکی تایبەت بە نوچەنێت، فەرمان عەبدوڵڵا، بەرپرسی لقی خوورماتووی یەکگرتووی ئیسلامی کوردستان، سەبارەت بە چارەسەری کێشەی ناوچە کوردستانییەکانی دەرەوەی ئیدارەی هەرێم، ڕایدگەیاند “بارودۆخی ئەم ناوچانە بە گشتی پێویستی بە پێداچوونەوەیەکی باش هەیە، دەبێت حکومەتی هەرێمی کوردستان لەسەر هێڵ بێت لەگەڵ حکومەتی عێراق بۆئەوەی بتوانێت چارەسەری ئەم کێشانە بکات”. 

ئەو بەرپرسەی یەکگرتوو لە خوورماتوو، دەڵێت “بە بڕوای ئێمە ئەو کێشانەی، کە لە ناوچە دابڕێنراوەکانی هەرێمی کوردستان هەیە، چارەسەرکردنیان ناوچەییەن ئاسان نییە، ئەگەر ڕێککەوتنێکی سیاسی نەکرێت لەسەر ئاستی هەرێم و بەغدا”.    

فەرمان عەبدوڵڵا، سەبارەت بە سووتانی دەخڵودانی هاوڵاتیان، گوتی “لە ناوچاکەدا دەخڵودانێکی زۆری هاوڵاتیان سوتێنراون، هۆکارەکەیشی بە تەواوی نازانرێت چییە، بەڵام ناوچەکە کێشەی لەسەرە و لەدوای شەڕی داعشەوە گوندەکانی ئەم ناوچانە هەموویان چۆڵکراون و کەسی تێدا نییە تا ئێستاش”.  

بەرپرسی لقی خوورماتووی یەکگرتووی ئیسلامی، ڕاشیگەیاند “ڕەنگە هۆکاری سوتاندنی دەخڵودانی گوندەکانی سنوری خورماتوو زیاتر بەهۆی کێشەوە بێت لە نێوان عەرەبی سوننە و تورکمانی شیعەی ئامرلی و دووزخورماتوو، چونکە ئەو زەویانە تا ئێستا نەگەڕاونەتەوە بۆ خاوەنەکانیان”. 

Share.

About Author

بوچون نوسین داخراوە.

Social Media Auto Publish Powered By : XYZScripts.com