كچە كوردەكەى بەغدا لەسەر چى كوژرا؟

0

بەگوێرەى ئەو لێدوانانەى خۆپێشاندەرانى عێراق لە تۆڕە كۆمەڵایەتییەكان بڵاویان كردووەتەوە، شیلان دارا رەئووف جیا لەوەى دەرمانساز بووە، چالاكوانێكیش بووە و لە ماوەى خۆپێشاندانەكان لە گۆڕەپانى تەحریر كارى مرۆیى كردووە و یارمەتى پزیشكى بە خۆپێشاندەران داوە، هەر بەم هۆكارەیش چالاكوانان گرووپە میلیشیاكانى شیعە بە كوشتنى شیلان تۆمەتبار دەكەن.

ماڵپەڕى حوڕە ئەمڕۆ لە راپۆرتێكدا باس لە كوشتنى شیلان دارا رەئووف دەكات، كە كچە كوردێكە شەوى رابردوو لە ناوچەى مەنسووڕى شارى بەغدا لەلایەن چەند چەكدارێكى نەناسراوە و لە ماڵەكەى خۆى لەگەڵ دایك و باوكى كوژراون.

بەگوێرەى ئەو تویت و پەیامانە كە حوڕە لە پەیجى چالاكوانانى عێراق كۆى كردووەتەوە، كچە كوردەكە لە ماوەى رابردوودا وەك چالاكوانێك كارى فریاكەوتنى لە گۆڕەپانى تەحریر كردووە.

چالاكوانەكانى عێراق لە پەیامەكانیان بە راشكاوى میلیشیا شیعەكانى عێراق بە كوشتنى شیلان دارا تۆمەتبار دەكەن و بەڵگەى ئەوە دەهێننەوە لە ڕووى ئەمنییەوە ماڵى شیلان لە شوێنێكى پارێزراو بووە، لە نێوان باڵوێزخانەى بەحرێن و رووسیا بووە، بۆیە چەكدارەكانى شیعە نەبێت بە گوتەى ئەوان كەس دەستى بەو شوێنە راناگات.

Share.

About Author

بوچون نوسین داخراوە.

Social Media Auto Publish Powered By : XYZScripts.com