سەلیم جبوری، رەخنەی توند لە پڕۆژە یاسای بودجە دەگرێت

0

نوچەنێت

سەرۆکی پەرلەمانی عێراق، لە کۆنگرەیەکی رۆژنامەوانیدا رایگەیاند، پرۆژەیاسای بودجەی ساڵی ٢٠١٨ی عێراق، یاسایی و دەستوری نییە، بۆیە وەکو سەرۆکایەتی پەرلەمان رەتیدەکەنەوە.

پرۆژەیاسای بودجەی ساڵی ٢٠١٨، ماوەیەکە بۆتە جێی نیگەرانی کورد و سوننەو تێبینی زۆریان لەسەر هەیە و دەنگی پێنادەن. هەوڵی تێنەپەڕاندنی بودجە بەم شێوەیەی ئێستا دەدەن.

ئەمڕۆ دووشەممە، ١٢-٢-٢٠١٨ سەلیم جبوری سەرۆکی پەرلەمانی عیراق، لە کۆنگرەیەکی رۆژنامەوانیدا رایگەیاند “بە بۆچوونی ئێمە،بودجە  دەستوریی و یاسایی  نییە. لە سەروی هەموویانەوە بەپێی ماددەی ٦٢ـی دەستور، بەمەبەستی هەڵوەستەکردن لەسەر رێژەی جێبەجێکردنیان، حیسابی کۆتایی ساڵانی ٢٠١٢تاو  ٢٠١٧ پێشکەش نەکراوە”.

سەرۆکی پەرلەمانی عێراق، هەروەها رەخنەی لە کاتی گەیشتنی پرۆژەیاسای بودجە گرت بۆ پەرلەمان و گوتی “بودجە، درەنگ گەیشتووەتە پەرلەمان، لەکاتێکدا بەپێی دەقی یاسای کارگێڕی دارایی دەوڵەت، دەبوایە لە دەی تشرینی یەکەمی هەموو ساڵێک پرۆژەیاسای بودجە پێشکەشی پەرلەمان بکرێت، بەڵام نزیکەی ٤٩ رۆژ پرۆژەیاسای بودجەی ئەمساڵ دواکەتووە، دواتر رەشنووسێکی دیکەی هەموارکراو پێشکەش کراوە”.

سەلیم جبوری هەر سەبارەت بە پڕۆژەیاسای بودجەی ٢٠١٨ گوتی”وەزارەتی دارایی خشتەی خەرجییەکانی سیادی نەناردووە، کە رێژەی پشکی هەرێمی کوردستانی تێدا روون دەکرێتەوە”.

سەبارەت بە بەشە بودجەی هەرێم، سەرۆکی پەرلەمان دەڵێت”نوێنەرانی هەرێم تێبینییەکانیان لەبارەی پرۆژەیاسای بودجە پێشکەش کردووە، لەوانە، خەرجکردنی موچەی فەرمانبەران، زیادکردنی پشکیان لە بودجەدا، پێدانی شایستە داراییەکانی جووتیاران و چاوخشانەوە بە پشکی هەرێم کە لەم پرۆژەیەدا بەڕێژی ٪١٢.٦٧هەژمارکراوە، هەروەها داوای چاوخشانەوەیان بە خەرجیی سیادی کردووە، کە لە پرۆژەیاساکەدا هاتووە، چونکە بەراورد بە ساڵی رابردوو زیادیکردووە، ئەمەش کاریگەری کردووەتە سەر پشکی هەرێمی کوردستان”.

Share.

About Author

بوچون نوسین داخراوە.

Social Media Auto Publish Powered By : XYZScripts.com