ئەردۆغان هەڕەشە لەم وڵاتە دەکات

0

نوچە-نامە نیوز

سەرۆککۆماری تورکیا لە پەیوەندییەکی تەلەفۆنی لە گەڵ ڤلادمیر پوتین، سەرۆکی روسیا لەبارەی رێککەوتنی نێوان پەیەدە و سوپای سوریا بۆ جێگیرکردنی هێز لە دیمەشق،هۆشداری دەدات.

کۆشكی سەرۆکایەتی روسیا(کرملین)لە بەیاننامەیەکدا رایگەیاند، سەرۆکی روسیا لە پەیوەندییەکی تەلەفۆنی لە گەڵ رەجەب تەیب ئەردۆغان، هاوتا تورکییەکەی، دۆخی سوریا و عەفرین و هاوکارییەکانی مۆسکۆ و ئەنقەرەیان لە چوارچێوەی گفتوگۆکانی ئاستانا، تاوتوێ کرد.

سەرچاوەیەک لە کۆشکی سەرۆکایەتی تورکیا، لە بارەی ناوەرۆکی ئەم گفتوگۆیەی نێوان پوتین و ئەردۆغان، گوتی، ئەردۆغان، سەرۆکی روسیای لە دوایین گٶرانکارییەکانی ئۆپەراسیۆنی چڵی زەیتوون ئاگادار کردۆتەوە.

تەلەفزیۆنی سی ئێن ئێنی تورکیا، لە راپۆرتێکی دیکەدا رایگەیاند، لە گفتوگۆ لە گەڵ پوتین، ئەردۆغان سەبارەت بە رێککەوتنی نێوان پەیەدە  وسوپای سوریا بۆ جێگیرکردنی هێز لە عەفرین هۆشداری داوە   و رایگەیاندووە، ئەم رێککەوتنە دەرهاویشتەی چاوەڕواننەکراوی بۆ سوریا بەدەواوە دەبێت.

ئەردۆغان بە پوتینی گوتووە، ئەپۆراسیۆنی چڵە زەیتون بۆ سەر عەفرین بەو شێوەی کە پلانی بۆ داڕێژراوە، بەردەوام دەبێت.

هاوکات بەکر بۆزداغ، جێگری سەرۆکوەزیرانی تورکیا رایگەیاندووە، چوونی سوپای سوریا بۆ ناو عەفرین، کارەساتی بەدوادادێ و تورکیا لە هێرشەکانی بەردەوام دەبێت

Share.

About Author

بوچون نوسین داخراوە.

Social Media Auto Publish Powered By : XYZScripts.com