هەڵوێستی پەرلەمانتارێکی تورکمان لەسەر یاسای سەرۆکایەتی هەرێم

0

نوچەنێت: تایبەت

ئەندامی فراکسیۆنی چاکسازی تورکمانی لەپەرلەمانی کوردستان رایدەگەیەنێت، بۆ پاراستنی قەوارەی سیاسی کوردستانی لەم کاتەدا هەڵپەساردنی دامەزراوەی سەرۆکایەتی هەرێم باشترین چارەسەرە.

ئەمڕۆ چوارشەممە 11-7-2018، پەرلەمانی کوردستان یاسای هەڵپەساردنی دامەزراوەی سەرۆکایەتی هەرێمی کوردستانی پەسندکرد، کە لەلایەن پارتی و گۆڕانەوە دوو پڕۆژەیاسا بۆ ئەو پرسە پێشکەشکرابوون. بەپێی یاساکە هەڵبژاردنی سەرۆکی هەرێم، لەگەڵ هەڵبژاردنی خوولی پێنجەمی پەرلەمانی کوردستان ئەنجام نادرێت.

لە لێدوانێکی تایبەت بە نوچەنێت، مونا قاوەچی، ئەندامی فراکسیۆنی چاکسازی تورکمانی لە پەرلەمانی کوردستان، سەبارەت بە هەڵپەساردنی دامەزراوەی سەرۆکایەتی هەرێمی کوردستان، رایگەیاند “ئەو پڕۆژەیاساییەی لەلایەن پەرلەمانی کوردستانەوە پەسەندکرا، زۆربەی فراکسیۆنە جیاوازەکان دەنگیان پێدا و ئێمەش وەک فراکسیۆنەکەی خۆمان بە باشمان زانی و پێمانوایە، کە لەم کات و ساتەی ئێستا ئەم پڕۆژەیاسایە باشترین دەرچەیە بۆ چارەسەرکردنی کێشە هەڵپەسێردراوەکان”.  

مونا قاوەچی ڕوونیشیکردوە و گوتی “بۆ پاراستنی قەوارەی سیاسی کوردستانی لەم کات و ساتە هەڵپەساردنی دامەزراوەی سەرۆکایەتی هەرێمی کوردستان، باشترین چارەسەرە و لێکتێگەیشتن و ڕێککەوتن و سازان دێتەکایە ئەوکاتە دەکرێت لەخولی داهاتوو لەدوو وەرزدا بتوانین ئەویاسایە جێ بەجێ بکرێت”.

ئەندامەکەی فراکسیۆنی چاکسازی تورکمانی لە پەرلەمانی کوردستان دەڵێت “داوا لە حیزب و لایەنە سیاسییەکانی کوردستان دەکەم، واز لە ململانێی سیاسی بێنن، لە پێناوی ئەوەی بارودۆخی هەرێم بەرە و باشتر بڕوات و کێشەی قەیرانی دارایی چارەسەربکرێت، پشت ببەستن بە هێنانەدی سازان و ئەنجامدانی هەڵبژاردن لەکاتی خۆیدا چارە سەرکردنی کێشەکانە”.

دەقی ماددەکانی یاساکە:

 ماددەی یەكەم: هەڵبژاردنی سەرۆكایەتی هەرێم هاوكات لەگەڵ هەڵبژاردنی خولی پێنجەمی پەرلەمانی كوردستان ئەنجام نادرێت.

ماددەی دووەم:كاركردن بە یاسای دابەشكردنی دەسەڵاتەكانی سەرۆكی هەرێم ژمارە (2)ی ساڵی 2017 بەردەوام دەبێت.

ماددەی سێیەم: پێویستە خولی پێنجەمی پەرلەمانی كوردستان لە یەكەمین وەرزی گرێدانیدا لەژێر رۆشنایی بنەما گشتییەكانی دەستور، بڕیار لەسەر چارەنوسی دامەزراوەی سەرۆكایەتی هەرێم بدات.

ماددەی چوارەم: كار بە هیچ دەقێكی یاسایی ناكرێت، پێچەوانەی حوكمەكانی ئەم یاسایە بێت.

ماددەی پێنجەم: پێویستە لەسەر لایەنە پەیوەندیدارەكان حوكمەكانی ئەم یاسایە جێبەجێ بكەن.

Share.

About Author

بوچون نوسین داخراوە.

Social Media Auto Publish Powered By : XYZScripts.com