تەرمی پەنابەرێکی كورد گەیێندرایەوە سلێمانی

0

نوچەنێت: تایبەت 

سەرپەرشتیاری گشتی فیدراسیۆنی پەنابەرانی عێراق رایدەگەیەنێت، دوای زیاتر لە دوو هەفتە لەگیان لەدەستدانی لەئەسینای پایتەختی یۆنان، تەرمی پەنابەرێکی شاری سلێمانی گەیشتە فڕۆکەخانەی نێودەوڵەتی سلێمانی.

دوای ئەوەی پەنابەریکی کوردی خەڵکی سلێمانی، لە یۆنان گیانی لەدەست دەدات، فیدراسیۆنی پەنابەران، بەپەلە راگەیەندراوێکی بڵاو کردەوە و بەشوێن کارە یاساییەکانی کەوت و توانییان تەرمەکەی پاش دوو هەفتە بهێنەوە سلێمانی. 

لە لێدوانێکی تایبەت بە نوچەنێت، ئاری جلال، سەرپەرشتیاری گشتی فیدراسیۆنی پەنابەرانی عیراق، لەبارەی گەراندنەوەی تەرمی هاوڵاتییەی لە یۆنانەوە، رایگەیاند: دوای ئەوەی هاوڵاتییەكی كوردی دانیشتووی شاری سلێمانی بەناوی “هێرش عەبدوڵڵا مەولود” خاوەن پێداویستی تایبەت، لە کۆتایی مانگی ٧ی ئەمساڵ لە نەخۆشخانەیەكی ئەسینای پایتەختی یۆنان گیانی لەدەستدا، بە هۆی پێنەبوونی ناسنامە و بەمەبەستی دۆزینەوەی کەسوکاری فیدراسیۆنی پەنابەران بانگەوازی بڵاوکردوە. دوای دۆزینەوەی کەسوکاری بەهاوکاری نوێنەرانی فیدراسیۆنی پەنابەران و کونسولخانەی عێراق لە ئەسینا کاروباری یاسایی بۆ ئەنجامدرا.

سەرپەرشتیاری گشتی فیدراسیۆنی پەنابەرانی عیراق ئەوەشی خستەڕوو، کاتژمێر ٣ی بەرەبانی ئەمڕۆ لەلایەن بەرپرسانی فیدراسیۆنی پەنابەران تەرمی پەنابەرەکە رادەستی کەسوکاری کراوەتەوە.

ئاری جەلال زانیاری زیاتری لەبارەی ئەو هاوڵاتییە ئاشكراكرد و گوتی “كۆچبەرەكە، دانیشتووی گەڕەكی كانی كوردەی شاری سلێمانییە و دوای چەندین هەوڵ توانیمان تەرمەكەی وەربگرینەوە و تێچیوو گەڕانەوەشی بۆ دابین بکەین”. دەشڵێت “تێچووی گەڕانەوەی تەرمەكە لەسەر ئەركی خێرخوازێك بەناوی “کاوە ڕێکانی” بووە.

Share.

About Author

بوچون نوسین داخراوە.

Social Media Auto Publish Powered By : XYZScripts.com