وەڵامی کوردی رۆژهەڵات بۆ حکومەتی ئێران

0

نوچەنێت: تایبەت

برایەکی رامین حوسێن پەناهی رایدەگەیەنێت، مانگرتنی ئەمڕۆ وەڵامێکی شیاوی کۆماری ئیسلامی ئێرانیان درایەوە. دەشڵێت “خاوەنداریەتی لە رامین، لوقمان، زانیار و سەرجەم شەهیدانی کویە کرا”.

پاش ڕووداوی موشەکبارانی سەر بارەگاکانی هەردوو حزبی دیموکرات لە کۆیە و لەسێ دارەکانی سێ زیندانی کورد لە رۆژی شەممە ٨-٩-٢٠١٨، ناوەندی هاوکاریی حزبەکانی ڕۆژهەڵات لە بانگەوازێکدا داوایان لەخەڵک کرد بە داخستنی دوکان و بازاڕەکان مانبگرن. ئەمڕۆش خەڵک بەدەم ئەم بانگەوازەوە چوو- و لە زۆربەی شارەکانی رۆژهەڵاتی کوردستان مانگرتن بەڕێوەچوو، کە بەجۆرێک بە “ریفراندۆم” ناوی دەبەن.

لە لێدوانیكی تایبەت بە نوچەنێت، رەفێق حوسێن پەناهی، برای شەهید رامین حوسێن پەناهی، زیندانی سیاسی، کە لە ٨-٩-٢٠١٨، لەسێدارەدرا، لەبارەی مانگرتنی ئەمڕۆی خەڵکی رۆژهەڵاتی کوردستان رایگەیاند: ئەمڕۆ خەڵکی رۆژهەڵات، لاپەڕەیەکی زێڕینی خستەسەر مێژووی خەباتی خۆی؛ هەروەها خاوەنداریەتی لە رامین، لوقمان، زانیار و سەرجەم شەهیدانی کویە کرد.

رەفیق حوسێن پەناهی دەشڵێت “وەڵامێکی شیاوی کۆماری ئیسلامی ئێرانیان دایەوە، کە بە تەقەکردن و موشەکبارانکردنی بارەگاکان و لەسێدارەدان، دەیهەوەێ پاشەکشەیان لە ویستی ئازادی خوازی پێبکات.

براکەی رامین گوتیشی، ئەمڕۆ بەم مانگرتنە، کە ریفراندۆمێکی گەورەیە، دڵی تەواوی دایکی شەهیدانیان شاد کرد، کە بە یەکدەنگ و یەک هەڵوێست لەبەرانبەر حکومەتی ئێران راوەستان.

Share.

About Author

بوچون نوسین داخراوە.

Social Media Auto Publish Powered By : XYZScripts.com