گۆڕان: بەرچاومان روون نییە

0

نوچەنێت: تایبەت

ئەندامێکی جڤاتی نیشتمانی بزووتنەوەی گۆڕان رایدەگەیەنێت، بۆ گفتوگۆ لەگەڵ لایەنەکان تابەرچاومان رووننەبێ بڕیار نادەین.

دوای راگەیاندی ئەنجامی کۆتایی هەڵبژاردنی رۆژی ٣٠-٩-٢٠١٨، لە بەرەبەیانی ٢١-١٠-٢٠١٨، بزووتنەوەی گۆڕان و یەکگرتووە و کۆمەڵ، کە چوار ئەندام لە کۆمیسیاران سەربەو سێ لایەنە بوون واژۆیان لەسەر ئەنجامەکە نەکرد.

بزووتنەوەی گۆڕان لە ٢٤ کورسی پەرلەمانیییەوە دابەزیوە بۆ ١٢ کورسی، ئەمە لێکەوتەی زۆری بەدوای خۆیدا هێناوە، لایەنی بڕیار لەناو گؤڕان پێیوایە هۆکاری کەم بوونەوەی دەنگەکان تەزویری دوو پارتی دەسەڵات (یەکێتی و پارتی)، یەکێتی بە پلەی یەک، هەروەها بەشێک لە هەڵسوڕاوان بەرپرسە باڵاکانی گؤڕان بە ناکارامە دەزانن.

لە لێدوانێکی تایبەت بە نوچەنێت، هێمن شێخانی، ئه‌ندامی جڤاتی نیشتیمانی بزووتنەوەی گۆران و هاوکات بەرپرسی مەکۆی سەرەکی ئەو حزبە لە هەولێر، لەبارەی گفتوگۆ لەگەڵ لایەنەکانی دیکە بۆ پێکهێنانی کابینەی نوێی حکومەت رایگەیاند: لە کۆبوونەوەی ئەم دواییەی جڤاتی نیشتمانی باسی گفتوگۆمان لەگەڵ لایەنەکان کرد، بەڵام بڕیار نەدرا؛ لەبەر ئەوەی تا بە تەواوی بەرچاومان رووننەبێ بڕیار نادەین. 

ئەو ئه‌ندامەی جڤاتی نیشتیمانی گۆران دەشڵێت “بەشێک لە ئەندامانی جڤاتی نیشتمانی لەگەڵ بەشداری نەکردنن و بەشێکیشیان لەگەڵ ئەوەن بچینە پەرلەمان بەڵام نەچینە ناو حکومەت و ئۆپۆزسیۆنێکی بەهێز بین”. 

Share.

About Author

بوچون نوسین داخراوە.

Social Media Auto Publish Powered By : XYZScripts.com