رێککەوتنی یەکێتی و پارتی لەسەر جێگری سەرۆکی هەرێم

0

نەوزاد عەلی-سلێمانی

ئەندامێکی فراکسیۆنی یەکێتی لەپەرلەمانی کوردستان ڕایدەگەیەنێت، تاکوئێستا هیچ کاتێک دیاری نەکراوە بۆ کۆبوونەوەی پەرلەمان، سەبارەت بە هەمواری پڕۆژەیاسای سەرۆکایەتی هەرێم.                                                    

بڕیاربوو ڕۆژی (١٠-٤-٢٠١٩)، په‌رله‌مانی كوردستان خوێندنه‌وه‌ی سێیه‌م بۆ هه‌مواری پڕۆژەیاسای سه‌رۆكایه‌تی هه‌رێم بكات و پڕۆژەیاساکە په‌سه‌ند بكات، به‌ڵام بەهۆی ناکۆکی یەکێتی و گۆڕان، لەسەر زیادکردنی جێگرێک بۆ سەرۆکی هەرێم، كۆبوونه‌وه‌كه‌ دواخرا.                                                                                                                 

لە لێدوانێکی تایبەت بەنوچەنێت، زیاد جەبار ئەندامی فراکسیۆنی یەکێتی لەپەرلەمانی کوردستان، سەبارەت بە کاتی کۆبوونەوەی پەرلەمان، ڕایگەیاند”تائێستا هیچ کاتێک دیاری نەکراوە بۆ ئەنجامدانی کۆبوونەوەی پەرلەمانی کوردستان سەبارەت بە هەمواری پڕۆژەیاسای سەرۆکایەتی هەرێمی کوردستان و پەسەندکردنی پڕۆژەیاساکە لەپەرلەمانەوە”.                                                                                                                                              ناوبراو ئاماژەی بەوەشکرد، کە حزبەکەی هیچ کێشەیەکی نەماوە لەسەر هەمواری پڕۆژەیاسای سەرۆکایەتی هەرێم و لەگەڵ پارتی ڕێککەوتوون، گوتی”ئەو سەرنج و تێبینییانەی کە هەمان بووە  لەسەری، لە خوێندنەوەی دووەمی پڕۆژەیاساکەدا ئیقرار کراوە و خراوەتە بەرنامەوە.                                                                                 

زیاد جەبار دەڵێت”ئێمە ڕێککەوتنمان لەگەڵ پارتی کردووە لەسەر ئەوەی جێگری سەرۆکی هەرێم بۆ کاروباری هێزە چەکدارەکان بدرێت بە یەکێتی، لەڕووی یاساییشەوە لە خوێندنەوەی دووەمی هەمواری پڕۆژەیاسای سەرۆکایەتی هەرێم ئەوە جێگیرکراوە و لیژنەی یاسایی خستییەتییە بەرنامەی خۆی. تەنها ماوە پەرلەمان دەنگی لەسەر بدات”.                                                                                                                                                    

پەرلەمانتارەکەی یەکێتی لەپەلەمانی کوردستان، خەختیشیکردەوە، لەڕووی سیاسییەوە بەو شێوەیە ڕێککەتنیان کردووە “ئیتر پارتی خۆی لەگەڵ گۆڕان، چۆن ڕێککەوتووە ئێمە نازانین و ئەوەیان ئێمەی تێدا نەبووین و پەیوەندی بەوانەوە هەیە”.                                                                                                                                    

Share.

About Author

بوچون نوسین داخراوە.

Social Media Auto Publish Powered By : XYZScripts.com