خاڵە سنوورییەکان زیاتر چاودێری دەکرێن

0

نەوزاد عەلی-سلێمانی

ئەندامێکی لیژنەی دەستپاکی پەرلەمانی کوردستان ڕایدەگەیەنێت، حکوومەتی هەرێم لیژنەیەکی پەیوەندیدار بە دەروازە سنوورییەکان پێکهێناوە و لیژنەکە سەردانی سەرجەم خاڵە سنوورییەکان دەکات.   

حکوومەتی ھەرێمی کوردستان بە مەبەستی کۆنتڕۆڵکردنی، دەروازە سنوورییەکانی لەگەڵ وڵاتانی تورکیا و ئێران، لێژنەیەکی باڵای پێکھێناوە، هێشتا لێژنەکە لە سەرەتای کارەکانێتی و بڕیارە سەردانی هەموو خاڵە سنوورییەکان بکات.                     

لە لێدوانێکی تایبەت بە نوچە، سەعید مستەفا هەرکی, ئەندامی لیژنەی دەستپاکی پەرلەمانی کوردستان، لەبارەی خاڵە سنورییەکانی هەرێم، ڕایگەیاند “دروستکردنی لیژنە باڵاکەی حکوومەتی هەرێم بۆ خاڵە سنوورییەکانی هەرێم لە ئەنجامی سەردانێکی لیژنەی دەستپاکی پەرلەمانی کوردستان بووە، بۆ هەر چوار دەروازەی سنووری باشماخ، حاجی ئۆمەران، پەروێزخان و ئیبراهیم خەلیل”. 

ئەندامەکەی لیژنەی دەستپاکی پەرلەمان دەڵێت “لەو سەردانانەدا کۆمەڵێک خاڵ بەدی کراون، بۆیە سەرجەم ئەو خاڵانە کۆکرانەوە و لە ڕاپۆرتێکی تێروتەسەلدا ئاراستەی سەرۆکایەتیی پەرلەمان کران، پەرلەمانیش ڕاپۆرتەکەیان  ئاراستەی ئەنجوومەنی وەزیرانی هەرێم کردووە”.

هەرکی گوتیشی “لیژنەکەی حكوومەت، لەو وەزارەتانە پێکهێنراون، کە پەیوەندیدارن بە دەروازە سنوورییەکانەوە؛ وەک وەزارەتەکانی ناوخۆ، تەندروستی و دارایی حکوومەتی هەرێمی کوردستان. لیژنەکەش بەدواداچوونی تەواو دەکات بۆ ئەو خاڵەنەی لە ڕاپۆرەتەکەی لیژنەی دەستپاکی ئاماژەیان پێکراوە”.

Share.

About Author

بوچون نوسین داخراوە.

Social Media Auto Publish Powered By : XYZScripts.com